‘Li hember çalakiyê bêdeng nemînîn’

Çalakiya greva birçîbûnê ya li Strasbûrgê 18 roj li pey xwe hişt û li Parîsê jî kurdistaniyan avahiya rêxistina Efûya Navnetewî dagirkirin.  
 

Çalakiya greva birçîbûnê ya li Strasbûrgê 18 roj li pey xwe hişt û li Parîsê jî kurdistaniyan avahiya rêxistina Efûya Navnetewî dagirkirin. Di çalakiya greva birçîbûnê ya li Strasbûrgê de, pêr êvarê rewşa 2 çalakgerên bêdem xera bû û ew rakirin nexweşxaneyê.

Lê belê çalakger Mustafa Tuzak û Hasan Akbaba daxwaza tedawiyê red kirin û diyar kirin ku, heta daxwaza wan nayê qebûlkirin, ewê tedawiyê red bikin. Li aliyê din, kurdên li Fransayê ji bo balê bikşînin ser tendirûstiya Rêberê KKK’ê Abdullah Ocalan avahiya rêxistina Efûya Navneteweyî dagir kirin. Li paytext Parîsê komeke kurd bi daxwaza heyeteke serbixwe biçe Girava Îmraliyê, avahiya navendî ya rêxistina Efûya Navneteweyî dagir kir.

Komê derbarê daxwazên xwe de, dosyayek jî pêşkeşî rayedarên Efûya Navneteweyî kirin û jê xwestin li hemberî jahrdayina Ocalan û çalakiya greva birçîbûnê ya li Strasbûrgê bêdeng nemîne. Jinên kurd li bajarê Fransa Nîcê jî bi çalakiyek bal kişandin ser jahrdayina Ocalan. Komek jinên kurd ên li navenda postaxeneya Juan les Pins li hev kom bûn, bi daxuyaniyek fikarên xwe yên ji ber jahrdayina Ocalan anîn ziman.

YENİ ÖZGÜR POLİTİKA