Şîrketên tirk bûne hêlîna MÎT'ê

 Hate îdiakirin ku şîrket Petrol bi navê Genel Enerjî ya ku xwediyê vê şîrketa Kara Memed Çukurova ye, li navçeya Koysinca bajarokê Teqteqê ya li herêma Kurdistanê  petrolê derdixe di nava hewldanên sextekariyê de ne.

Şîrketa Genel Enerjî li navçeya Koyê bajarokê Teqteqê ye û xwediyê vê şîrketê jî Kara Memed Çukurova ye. Ev nêzî 3 sal in li herêma Kurdistanê karê petrolê dikin. Hate îdiakirin ku şîrket hem di nava hewldanên sextekariyê de ne û hem jî xebatkarên wê endamên MÎT’ê ne. Tê gotin ku 300 polîs ji bo ewlehiya şîrketê hatine qeydkirin lê ev 300 polîs di pratîkê de nayên xuyakirin. Polîsên bo ewlehiya şîrketê dixebitin, ewlehiya vê şîrketê nagirin. Li gorî îdiayan her roj 60 dolar didin polîsekî. Bi vê yekê ve girêdayî navê 7 rayedarên şîrketê tê dayîn ku xwedî peywendî ne ligel MÎT’ê, mehaneyeke 300 polîsên digrin û wekî fînanskirina MÎT’ê bi kar tînin. Ev yek di raporên MÎT’ê de bi awayekî aşkera derdikeve holê. Her wiha 3 jenetorên şîrketê hatine firotin û pereyê wan di nava xwe de parve kirine. Hate diyarkirin ku ji rayedarên şîrketê ji bilî Kara Memed, şîrketeke Kanada û rayedarekî Hikûmeta Herêma Kurdistanê ku navê wî nehat zanîn şirîkê şîrketê ne. Li gorî îdiayan rayedarên şîrketa Genel Enerjiyê karê fihûşê jî dike. Li gorî çavkaniyên herêmî, heta niha nêzî 5 keçan di karê fihûşê de dixebitînin. Keçên ku fihûşê dikin wekî rêbazekê bi kar tînin, ji bo rayedarên herêmê agahiyan bigirin van jinan bi kar tînin.

 Navên rayedarên şîrketa Genel Enerjiyê ev in; ” Mam Eyûb ji bajarê Hewlêrê ye, Piştiwan Mehemed Ehmed, Dersîm Dîkelî, Mehemed Ehmed Nasir Çawîş, Abdullah Omer Muftî, Gafor Ehmed  û Muhsîn Nasir Hecî.”
 
 
azadiyawelat