Firina nan a jinan hate vekirin

Firina Nan a Jinan a bi navê Gokkuşagi bi merasîmekê hate vekirin. Şaredara Dêrsimê Songul Erol Abdîl ku di merasîmê de axivî û anî ziman ku bi vê xebatê dê jin hem bikevin nava hilberîneriyê û hem jî têkiliyên di nava xwe de xurt bikin.

Firina Nan a Jinan a bi navê Gokkuşagi ku li rex Parka Bariş a Dêrismê hatiye çêkirin, îro bi merasîmekê hate vekirin. Şaredara Dêrsimê Songul Erol Abdîl, Wekîla Hevserokên DTP'ê Selma Irmak û Hunermend Ferhat Tunç jî di nav de gelek kes beşdarî merasîmê bûn. Şaredar Abdîl li vê derê axaftinek kir û anî ziman ku ev proje bi hevkariya ANA-DER û Odeya Mîmar û Mûhendîsan hatiye çêkirin û daxuyand ku armanca wan ew e ku 20 jinan di vir de bi cih bikin û bi vî rengî malbata wan jî di warê aboriyê de sûdê werbigirin. Abdîl, daxuyand ku ew dixwazin hem jin xwedî karekî bibin û hem jî têkiliya di navbera wan de xurt bibe. Abdîl, diyar kir ew ê xebatên bi vî rengî bidomînin.

azadiyawelat